Midhah Sarkar Kis Tarah Ho Bayan

مدح سرکارؐ کس طرح ہو بیاں کہ یہ نطق و نوا کےبس میں کہاں

اور قلم بھی لکھے تو کیسے لکھے نطق بے جان، فکر سرگرداں

آپؐ کی ذات کی کسے تفہیم آپؐ کے وصف کس سے ہونگے بیاں

آپؐ کے زیرِ سایہ رحمت منظرِ ہست و عالم و امکاں

آپؐ کے قول و فعل و حسنِ عمل ردِ ہر استمال و دہم و گماں

تن کی تہذیب آپؐ کی بخشش رُوح کا رزق آپؐ کا احساں

آپؐ تطہیرِ نفس اہل صفا آپؐ تالی قلب ِ در ویثاں

آپؐ کی ذات مسملوں کی کشود آپؐ کے دم سے مرحلے آساں

آپؐ کا نام بے کسوں کا سکوں آُؐ کی ذات بے اماں کی اماں

چارۃ غم نگاہِ لطف و کرم پر سشِ حال درد کا درماں

جان کے دشمنوں کے خیر طلب ناسپاسوں کے خیر کے خواہاں

رحمت وارفت ورؤف و رحیم حامئ انس و جاں، انیس جاں

آپؐ سوبار بخشنے والے اور انساں ہے خوگر عصیاں

بےشعوری ہے آپؐ سے دوری اے حبیبِ خداۓ کون و مکاں

جان پر میری آپؐ کے الطاف بے حدو بے شمارو بے پایاں

آپؐ کے صدقے کنزومال و منال آپؐ کی ذات پر میں خود قرباں

آپؐ ہادی ہیں سب زمانوں کے ایک محسن کے سب پہ ہیں احساں

آپؐ کی یاد آسمانوں میں آپؐ کا ذکر برسر گیہاں

فرش پر کررہا ہے ورد کوئی عرش پردے رہا ہے کوئی اذاں

نامِ نامی سے گونجتی ہے فضا ہو رہے ہیں گواہ دونوں جہاں

بھیجتا ہے خدا درودو سلام بھیجتے ہیں صلوۃ کروبیاں

میں بھی شام ہوں اس صداؤں میں جھوم اٹھے ہیں جن سے کون و مکاں

پڑھ رہا ہے ہمہ وجودُ درود مل گئی ہے رُوئیں رُوئیں کو زباں