Salaam Uss Par Ke Jiss Ne Bekasoun Ki Dastgeeri Ki

Salam us par ke jis ne bekason ki dastgiri ki Salam us par ke jis ne badshahi mein faqiri ki

Salam us par ke jis ne khoon ke pyason ko qabaein deen Salam us par ke jis ne galiyan sun kar duaein deen

Salam us par ke dushman ko hayaat-e-jawadan de de Salam us par ke Abu Sufyan ko jis ne amaan de di

More Lyrics, Less Storage - Install the App and Ditch the Screenshots!

Salam us par watan ke log jis ko tang karte the Salam us par ke gharwale bhi jis se jang karte the

Salam us par ke jis ke ghar mein chandi thi na sona tha Salam us par ke toota boriya jis ka bichhona tha

Salam us par jo bhooka reh ke auron ko khilata tha Salam us par jo ummat ke liye raaton ko rota tha

Salam us par ke tha Al-faqru fakhri jis ka sarmaya Salam us par ke jis ke jism-e-athar ka na tha saya

Salam us par ke jis ne fazl ke moti bikhairay the Salam us par boron ko jis ne farmaya ke mere hain

Salam us par ke jis ki chand taron ne gawahi di Salam us par ke jis ki sang-paron ne gawahi di

Salam us par ke jis ne chand ko do tukray farmaya Salam us par ke jis ke hukm se suraj palat aaya