Salaam Aye Amina Ke Laal

Salaam ae Aamina ke laal ﷺ ae mehboob-e-Subhani Salaam ae fakhr-e-maujoodaat fakhr-e-nau-e-insani

Salaam ae zill-e-Rehmani, salaam ae noor-e-Yazdani Tera naqsh-e-qadam hai zindagi ki loh-e-peshani

Salaam ae sirr-e-wahdat ae siraaj-e-bazm-e-aimani Zahe yeh izzat-afzooi zahe tashreef arzani

Tere aane se raunaq aa gayi gulzar-e-hasti mein Shareek-e-haal qismat ho gaya phir fazl-e-Rabbani

No Internet? No Problem! Get the App for Offline Lyrics!

Salaam ae sahib-e-khulq-e-azeem insaan ko sikhla de Yehi aamaal-e-pakeeza yehi ashghaal-e-roohani

Teri soorat, teri seerat, tera naqsha tera jalwa Tabassum, guftagu, banda-nawazi, khanda-peshani

Zamaana muntazir hai ab nayi sheeraza-bandi ka Bohat kuch ho chuki ajza-e-hasti ki pareshani

Zameen ka gosha gosha noor se mamoor ho jaaye Tere parto se mil jaaye har ik zarre ko taabani

Hafeez-e-benawa bhi hai gada-e-koocha-e-ulfat Aqeedat ki jabeen teri marawwat se hai noorani

Tera dar ho, mera sar ho, mera dil ho, tera ghar ho Tamanna mukhtasar si hai magar tamheed-e-toolani

Salaam ae aatishin zanjeer-e-baatil todne waale Salaam ae khaak ke toote hue dil jodne waale