Salaam Aye Amina Ke Laal

سلام اے آمنہ کے لالؐ اے محبوبِ سبحانی سلام اے فخرِ موجودات فخرِ نوعِ انسانی

سلام اے ظلِ رحمانی، سلام اے نور یزدانی ترا نقشِ قدم ہے زندگی کی لوحِ پیشانی

سلام اے سرِ وحدت اے سراجِ بزم ایمانی زہے یہ عزت افزوئی زہے رشریف ارزانی

ترے آنے سے رونق آگئی گلزار ہستی میں شریکِ حال قسمت ہو گیا پھر فضلِ ربانی

سلام اے صاحبِ خلق عظیم انساں کو سکھلا دے یہی اعمال پاکیزہ یہی اشغال روحانی

تری صورت، تری سیرت، ترا نقشہ ترا جلوہ تبسم، گفتگو، بندہ نوازی، خندہ پیشانی

زمانہ منتظر ہے اب نئ شیرازہ بندی کا بہت کچھ ہو چکی اجزاۓ ہستی کی پریشانی

زمیں کا گوشہ گوشہ نور سے معمور ہو جاۓ ترے پرتو سے مل جاۓ ہر اک ذرے کو تابانی

حفیظ بے نوا بھی ہے گداۓ کوچہء الفت عقیدت کی جبیں تیری مروت سے ہے نوارنی

ترا در ہو، مرا سرہو، مرا دل ہو، ترا گھر ہو تمنا مختصر سی ہے مگر تمہیدِ طولانی

سلام اے آتشیں زنجیرِ باطل توڑنے والے سلام اے خاک کے ٹوٹے ہوۓ دل جوڑنے والے