Ik Nuqte Vich Gal Mukdi Ae

اک نقطے وچ گل مکدی ہے

پَھڑ نُقطہ چھوڑ حساباں نوں کر دور کپفر دیاں باباں نوں

چھڈ دوزخ گور عزاباں نوں کر صاف دلے دیاں خواباں نوں

Get Lyrics On-The-Go! Download Our App Now!

گل ایسے گھر وچ ڈُھکدی ہے اِک نقطے وچ گل مکدی ہے

اینیوں متھا زمین گھسائیدا پالما محراب دکھائیدا

پڑھ کلمہ لوک ہسائیدا دل اندر سمجھ نہ لیا ئِیدا

کدی بات سچی بھی لُکدی ہے اِک نقطے وچ گل مکدی ہے

کئ حاجی بن بن آئےجی گَل نیلے جامے پائے جی

حج ویچ ٹکے لے کھائے جی بَھلا ایہ گل کینہوں بھائے جی

کدی سچی گل بھی لکدی ہے اِک نقطے وچ گل مکدی ہے

اک جنگل بحریں جاندے نیں اک دانا روز لے کھاندے نیں

بے سمجھ وجود تھکاندے نیں گھر آون ہو کے ماندے نیں

اینیوں چلیاں وِچ جِند سُکدی ہے اِک نقطے وچ گل مکدی ہے

پَھڑ مُرشد عبد خُدائی ہو وِچ مستی بے پرؤائی ہو

بے خواہش بے نوائی ہو وِچ دل دے خوب صفائی ہو

بُلھا بات سچی کدوں رکدی ہے اِک نقطے وِچ کل مکدی ہے