Tere Ishq Nachaya Kar
Baba Bulleh Shah
تیرے عشق نچائیاں کر کے تھیّا تھیّا
تیرے عشق نے ڈیرا میرے اندر کیتا بھر کے زہر دا پیالہ، مَیں تاں آپے پیتا جھب دے بَوھڑِیں سے طبیبا، نہیں تے میں مر گئِیّا
تیرے عشق نچائیاں کر کے تھیّا تھیّا
چُھب گیا وے سُورج، باہر رہ گئی آ لالی وے میں صدقے ہوواں، دیویں مُڑ جے دکھالی پیرا! میں بُھل گئیّاں تیرے نال نہ گِئیّا
تیرے عشق نچائیاں کر کے تھیّا تھیّا
ایس عشقے دے کولوں مینوں ہٹک نہ ماۓ لاہُو جاندڑے میڑے، کیہڑا موڑ لِیاۓ میری عقل جو بُھلّی، نال مھانیاں دے گئیّا
تیرے عشق نچائیاں کر کے تھیّا تھیّا
ایس عشقے دی جھنگی، وِچ مور بولِیندا سانوں قِبلہ تے کعبہ، سوہنا یار دسِیندا سانوں گھائل کر کے، پھیر خبر نہ لئیّا
تیرے عشق نچائیاں کر کے تھیّا تھیّا
More Lyrics, Less Storage - Install the App and Ditch the Screenshots!
بُلّھا! شَوہ نے آندا مینوں، نائت دے بُوہے جِس نے مینوں پواۓ چولے، ساوے تے سُوہے جاں مَیں ماری ہے اڈّی، مِل پیا ہے دھیّا
تیرے عشق نچائیاں کر کے تھیّا تھیّا
