Yeh Ehtamam Andheron Ke Rad Mein

Yeh ehtemaam andheron ke radd mein rakha gaya Chiragh-e-ism-e-Muhammad lahad mein rakha gaya

Majaal hai ke hui ho kahin kami beshi Woh noor-e-mojiza sad ba sad mein rakha gaya

Kaha gaya ke pukaro toh keh ke "Unzurna" Jo be-adab thay unhein ek had mein rakha gaya

Woh jis ne Adam-o-Hawwa ko bante dekha tha Usay shuru se husn-e-abad mein rakha gaya

Kuch aur sahl huin agli manzilein mujh par Wazifa-e-rukh-e-Aqa sanad mein rakha gaya

No More Screenshots! Save Storage with Our Lyrics App!

Mujhe sunai gayi yun shaf'aton ki naveed Munafiqon ko azaab-e-hasad mein rakha gaya

Yeh paanch ism bane mudda'aye Bismillah Khuda ke saath har adu mein rakha gaya