Yeh Ehtamam Andheron Ke Rad Mein

یہ اہتمام اندھیروں کے رد میں رکھا گیا چراگ اسمِ محمد لحد میں رکھا گیا

مجال ہے کہ ہوئی ہو کہیں کمی بیشی وہ نور معجزۃ صد بہ صد میں رکھا گیا

کہا گیا کہ پکارو تو کہہ کے "انظرنا" جوبےادب تھے انہیں ایک حد میں رکھا گیا

وہ جس نے آدم و حوا کو بنتے دیکھا تھا اسے شروع سے حُسنِ ابد میں رکھا گیا

کچھ اور سہل ہوئیں اگلی منزلیں مجھ پر وظیفۃ رُخ آقا سند میں رکھا گیا

مجھے سنائی گئی یوں شفاعتوں کی نوید منافقوں کو عذابِ حسد میں رکھا گیا

یہ پانچ اسم بنے مدعاۓ بسم اللہ خدا کے ساتھ ہر عدو میں رکھا گیا