Woh Sarwar e Konain

Woh sarwar-e-konain mudassir ba-laqab hai Us ke liye tafreeq-e-Ajam hai na Arab hai

Woh zulf ke jis zulf se "wal-lail" ko nisbat "Wal-fajr" jabeen hai to sukhan sharh-e-adab hai

Aaina-e-hairaan ki tarah waqt ki raftar Ae sahib-e-meraj-e-khirad mehr ba-lab hai

Afdal hai har ek roz se ae subh-e-darakhshan "Isra" ki tajalli mein jo meraj ki shab hai

Why Screenshot When You Can Download? Get the App for Efficient Storage!

Sunta hoon ke lafzon ke bhi hote hain qabeelay Kehte hain ke harfon ka bhi ek naam-o-nasab hai

Hasnain-e-Karimain hain yakta-e-do aalam Un jaisa kisi ka na hasab hai na nasab hai

Ae shafi-e-mahshar ise barzakh se bachana Shair tera Nusrat bohat aaram talab hai