Woh Sarwar e Konain

وہ سرور کونین مدثر بہ لقب ہے اس کے لیے تفریقِ عجم ہے نہ عرب ہے

وہ زلف کہ جس زلف سے "والیل" کو نسبت "والفجر" جبیں ہے تو سخن شرح ادب ہے

آئینۃ حیراں کی طرح وقت کی رفتار اے صاحب معراج خرد مہر بہ لب ہے

افضل ہے ہر اک روز سے اے صبح درخشاں "اسری" کی تجلّی میں جو معراج کی شب ہے

Instant Access to Thousands of Lyrics - Tap to Install!

سنتا ہوں کہ لفظوں کے بھی ہوتے ہیں قبیلے کہتے ہیں کہ حرفوں کا بھی اک نام و نسب ہے

حسنینِ کریمین ہیں یکتاۓ دو عالم ان جیسا کسی کا نہ حسب ہے نہ نسب ہے

اے سافعِ محشر اسے برزخ سے بچانا شاعر ترا نصرتؔ بہت آرام طلب ہے