Waliye Makkah Waliye Taiba

Wali-e-Makkah Wali-e-Taibah aur dunya ke wali Amina bi ke ghar aaye hain mehki daali daali

Har janib yeh dhoom machi hai Amina bi ke pyare ka jashn manao mil ke

Rabi-ul-Awwal umeedo'n ki dunya saath le aaya Duaon ki qabooliyat ko haathon haath le aaya

Khuda ne nakhudai ki khud insani safeene ki Ke rehmat ban ke chhayi barhween shab iss mahine ki

Azal ke roz jis ki dhoom thi woh aaj ki shab hai Jo qismat ke liye maqsoom thi woh aaj ki shab hai

Jahan mein jashn-e-subh-e-Eid ka saman hota tha Udhar shaitan kitna apni nakami pe rota tha

Bahar-e-soo naghma-e-Salli-Ala goonja fizaon mein Khushi ne zindagi ki rooh daura di hawaon mein

Farishton ki salami dene wali fauj gaati thi Janab-e-Amina suntin to yeh aawazein aati thin

Amina bi ke pyare ka jashn manao mil ke

Mubarak ho Muhammad Mustafa ﷺ tashreef le aaye Mubarak ho ke Khatam-ul-Anbiya ﷺ tashreef le aaye

Mubarak ho Sheh-e-har do sara ﷺ tashreef le aaye Mubarak ho ke rehmat ki ada ﷺ tashreef le aaye

Mubarak ho asiyon ke aasra ﷺ tashreef le aaye Mubarak ho Habeeb-e-Kibriya ﷺ tashreef le aaye

Amina bi ke pyare ka jashn manao mil ke

Jaate hain Meraj ko Aqa ﷺ jagmag hai konain Un ke qadmon ki barkat se arsh ne paya chain

Aise Nabi ﷺ ka wasta de kar Rabb ko manao mil ke Amina bi ke pyare ka jashn manao mil ke

Offline Lyrics Anytime, Anywhere - Download the App Today!

Jo mango ge woh pao ge poori hogi aas Door hi jitni khushiyan tum se aa jayengi paas

Do jag ke mukhtar ﷺ ko naara sare lagao mil ke Amina bi ke pyare ka jashn manao mil ke

Nabiyon ke Sultan hain Aqa ﷺ Nabiyon ke Sultan Khalish-e-Muzaffar woh karte hain har mushkil aasaan

Apne apne man ki bapta un ko sunao mil ke Amina bi ke pyare ka jashn manao mil ke