Rukh e Mustafa ko dekha Toh Diyoun ne Jalna Seekha

Rukh-e-Mustafa ko dekha to diyon ne jalna seekha Yeh karam hai Mustafa ka, shab-e-gham ne dhalna seekha

Get Lyrics On-The-Go! Download Our App Now!

Yeh zameen ruki hui thi yeh falak thama hua tha Chale jab mere Muhammad to jahan chalna seekha

Bada khush naseeb hoon main meri khush naseebi dekho Shah-e-Anbiya ke tukron pe hai main ne palna seekha

Main gira nahin jawab tak yeh kamal-e-Mustafa hai Meri zaat ne Nabi se hai sada sambhalna seekha

Main talash mein tha Rab ki kahan dhoondta main us ko Liya naam jab Nabi ka to Khuda se milna seekha

Main raha khalish Muzaffar dar-e-paak-e-Mustafa par Mere jazb-e-ashiqi ne kahan ghar badalna seekha