Uss Nazar Se Tumhein Bhi

اُس نظر سے تمھیں بھی ہے وابستگی تم بھی تقلیدِ شاہِ رسُولاں کرو

رہ گئی ہے دکھاوے کی نسبت تُمھیں کاش اندر سے خُود کو مُسلماں کرو

دین و مذہب نمائش نہیں چاہتے یُوں نہ اپنی عقیدت کو اَرزاں کرو

مسخ اپنے کو تم نے بہت کرلیا آئنوں کو نہ اب اور حیراں کرو

جو تُمھارے نبیؐ نے دِیے ہیں تُمھیں اُن اصولوں سے آرائشِ جاں کرو

راستے کا اندھیرا بھی چھٹ جائے گا دیدہ و دِل تو اپنے فروزاں کرو

پھر سجانا، دِیے تم درو بام پر اپنے سِینوں میں پہلے چراغاں کرو

بُو ہر اِک سانّس سے آئے ایمان کی ہر مُسلماں ہو تصویر قُرآن کی