Unki Chokhat Ho Toh Kasa

Un ki chokhat ho to kasa bhi pada sajta hai Dar bada ho to sawali bhi khada sajta hai

Shehanshahon ke muqaddar mein kahan zebai Jis qadar un ki ghulami ka kada sajta hai

Yeh ghulami kahin kamtar nahi hone deti Un ka naukar hoon to shahon mein khada sajta hai

Sarwar-e-deen ke musalle pe Khuda jaanta hai Murtaza peeche ho Siddiq khada sajta hai

Aise aaqa hon to laazim hai ghulami pe ghuroor Aisi nisbat ho to phir bol bada sajta hai

Kaan mein Hur ke muqaddar ne yeh sargoshi ki Tu nagina hai angoothi mein jada sajta hai

Maula Shabbar se Khuda jaane Sakhi Mehdi tak Gulshan-e-Zehra ka har phool bada sajta hai

Download Lyrics & Access Offline - Install Our App Now!

Dekh kar bole yeh Siddiq-o-Umar Taiba mein Dosha-e-Sarkar pe Shabbir pada sajta hai

Mujh se kehte hain yahi ahl-e-mohabbat Sarwar Naat ka naghma tere lab pe bada sajta hai