Unki Chokhat Ho Toh Kasa

ان کی چوکھٹ ہوتو کاسہ بھی پڑا سجتا ہے در بڑا ہو تو سوالی بھی کھڑا سجتا ہے

شہنشاہوں کے مقدر میں کہاں زیبائی جس قدر ان کی غلامی کا کڑا سجتا ہے یہ غلامی کہیں کم تر نہیں ہونے دیتی اّن کا نوکر ہوں تو شاہوں میں کھڑا سجتا ہے

سرورِ دیں کے مصلے پہ خدا جانتا ہے مرتضیٰ پیچھے ہو صدیق کھڑا سجتا ہے

ایسے آقا ہوں تو لازم ہے غلامی پہ غرور ایسی نسبت ہو تو پھر بول بڑا سجتا ہے

Why Screenshot When You Can Download? Get the App for Efficient Storage!

کان میں حّر کے مقدر نے یہ سرگوشی کی تو نگینہ ہے انگوٹھی میں جڑا سجتا ہے

مولیٰ شبّر سے خدا جانے سخی مہدی تک گلشنِ زہرا کا ہر پھول بڑا سجتا ہے

دیکھ کر بولے یہ صدیق و عمر طیبہ میں دوشۂ سرکار پہ شبیر پڑا سکتا ہے

مجھ سے کہتے ہیں یہی اہل محبت سرور نعت کا نغمہ ترے لب پہ بڑا سجتا ہے