Tu Khud Payam e Jali Tha

تو خُود پیام جلی تھا پیامبر تو نہ تھا لباس میں بشریّت کے تھا بشر تو نہ تھا

ہر اِک صدی کی زباں پر مکالمہ تیرا کرے گا حشر تک اِنساں مطالعہ تیرا کِتابِ نُور تھا ، دیباچہء سحر تو نہ تھا

تِرے غبارِ قدم سے بھی آفتاب بنے تِرے اصول زمانوں کے اِنقلاب بنے تو عہد ساز بھی تھا صرف راہبر تو نہ تھا

رِوائے مشرق و مغرب نہیں قبا تیری سُنی ہے اور بھی دُنیاؤں نے صدا تیری تِرا وجود فقط اِس زمین پر تو نہ تھا

جسارت ایسی تو رُوح الامین نے بھی نہ کی وہاں تو آج کی سائنس بھی پہنچ نہ سکی تِرا سفر کِسی سیّارے کا سفر تو نہ تھا

Your Lyrics, Even Offline - Install the App for Free!

غموں کی دُھوپ میں دیکھا ہے مَیں نے چل پھر کے مثالِ ابر ہے ہمراہ ہر مسافر کے جو ساتھ چھوڑدے وُہ سایہء شجر تو نہ تھا

یہ اپنی شان کے شایاں کرم کِیا تُو نے خُدا سے وعدہء بخشش بھی لے لیا تُونے گُناہ گار مظفر سے بے خبر تو نہ تھا