Rishta e Jism o Jaan Hain

رشتہء جسم و جاں ہیں میرے حضورؐ میں وہاں ہوں جہاں ہیں حضورؐ

Find Your Favorite Lyrics Anytime, Anywhere - Install the App Today!

روشنی کے مکاں میں رہتا ہوں روشنیِ مکاں ہیں میرے حضورؐ

ایک تارہ ہے گر ہر ایک نبی نیبوں کی کہکشاں ہیں میرے حضورؐ

آئینے میں بھی دیکھتا ہوں انھیں بے نشاں کا نشاں ہیں میرے حضورؐ

غور سے ان کی بات سن دنیا اپنے رب کی زباں ہیں میرے حضورؐ

تھام لو ان کے حوض کی لہریں رحمتِ بیکراں ہیں میرے حضورؐ

آپ کی جان کا جو دشمن ہے اس کی جائے اماں ہیں میرے حضورؐ

مستقل نفلِ عشق پڑھتا ہوں اک مسلسل اذاں ہیں میرے حضورؐ

نعت سنتے رہیں مظفر سے صدر لفظ و بیاں ہیں میرے حضورؐ