Nakhal e Fun Hai Na Paat Ki Khushboo

نخلِ فن ہے نہ پات کی خوشبو دل میں ہےان کی بات کی خوشبو

وہ ولی ہے ہو جس کے دامن میں انؐ کی اعلیٰ صفات کی خوشبو

گنبدِ سبز کا تصدق ہے کائناتِ حیات کی خوشبو

ذکرِ احمدؐ ہے میری سانسوں میں ہر نفس ہے حیات کی خوشبو

Instant Access to Thousands of Lyrics - Tap to Install!

کاکل شاہِ دوسرا کی قسم ہر طرف ان کی ذات کی خوشبو

اُن سے روشن ہیں آسمان و زمیں اُن سے ہے کائنات کی خوشبو

شاہِ معراج سے مہکتی ہے شام کی، دن کی، رات کی خوشبو

سینکڑوں جنتوں سے افضل ہے اُن کے اک التفات کی خوشبو

دل میں ہیں ذکرِ حق سے مہکاریں ذہن میں ان کی بات کی خوشبو

تا ابد حرف کی مہک ان سے ہر صدی اب ہے نعت کی خوشبو

وردِ شاہِ ھدیٰ کا صدقہ ہے میرے صوم و صلوات کی خوشبو