Nabi Se Dill Ko Tassali Dilaa Ke Laut Aya

Nabi ﷺ se dil ko tasalli dila ke laut aaya Dubaara jaane ko mumkin bana ke laut aaya

Nazaare dekh ke us ki sakha ke laut aaya Khilaya us ne bohat kuch, main kha ke laut aaya

Kuch itna loota ke kaase bhara ke laut aaya Junoon mein loota, khirad ko luta ke laut aaya

Suna tha sunte hain Sarkar ﷺ apne bandon ki So sunne waale ko apni suna ke laut aaya

Free Up Space - Get Lyrics Without Bulky Screenshots!

Suna tha shehr-e-Madinah hai noor ka mehbat Gali gali mein gaya, aazma ke laut aaya

Pata tha mujh ko ke hai mujh ko lautna ik din Mazey uda ke wahan ki fiza ke laut aaya

Nabi ke shehr mein bas jaana mere bas mein na tha Tha bas mein ashk bahaana, baha ke laut aaya

Ghareeq-e-ranj-o-alam ho ke jee raha tha yahan Madinah ja ke har ik gham bhula ke laut aaya

Karam huzoor ﷺ ka Ahmad tere talash mein hai Tu jab se baab-e-karam khatkhata ke laut aaya