Naat Goyi Se Mujhe Garche

Naat goi se mujhe garcha bahut raghbat rahi Zindagi bhar naat kehne ki magar hasrat rahi

Un ki chaukhat par tasavvur mein guzari ek shaam Guftagu shab bhar malaik mein miri baabat rahi

Aap ﷺ se barh kar diya kis ne mohabbat ko farogh Ranj ke badle duayein, Aap ﷺ ki aadat rahi

Aap ﷺ ke eesar-o-sabr-o-zabt se pa kar jala Mujh ko usrat mein bhi haasil be-karan sarwat rahi

Mujh se aasi par karam farmaiyon ki had nahin Aur is par ek zamane ko bari hairat rahi

Khaak zaadon par ayan kaise ho azmat Aap ﷺ ki Aap ﷺ ke qadmon tale to arsh ki wus'at rahi

Instant Access to Thousands of Lyrics - Tap to Install!

Ek se ek barh kar khile Atif sana khwani ke phool Par kise shaan-e-Nabi ﷺ se kuch zara nisbat rahi