Naat Goyi Se Mujhe Garche

نعت گوئی سے مجھے گرچہ بہت رغبت رہی زندگی بھر نعت کہنے کی مگر حسرت رہی

اُن کی چوکھٹ پر تصور میں گزاری ایک شام گفتگو شب بھر ملائک میں مِری بابت رہی

آپؐ سے بڑھ کر دیا کس نے محبت کو فروغ رنج کے بدلے دعائیں، آپؐ کی عادت رہی

More Lyrics, Less Storage - Install the App and Ditch the Screenshots!

آپؐ کے ایثار و صبر وضبط سے پا کر جلا مجھ کو عُسرت میں بھی حاصل بے کراں ثروت رہی

مجھ سے عاصی پر کرم فرمائیوں کی حد نہیں اور اس پر اک زمانے کو بڑی حیرت رہی

خاک زادوں پر عیاں کیسے ہو عظمت آپؐ کی آپؐ کے قدموں تلے تو عرش کی وسعت رہی

اک سے اک بڑھ کر کھلے عاطفؔ ثنا خوانی کے پھول پر کسے شانِ نبیؐ سے کچھ ذرا نسبت رہی