Milad Na Hota Toh

Milad na hota to kuch bhi na yahan hota Milad na hota to kuch bhi na ayan hota

Milad na hota to suraj na chamak hoti Milad na hota to gulshan na mehak hoti

Milad na hota to tare na sahar hoti Koi na bashar hota, na rooh-e-bashar hoti

Milad na hota to dharti na falak hote Milad na hota to hoorein na malak hote

No More Screenshots! Save Storage with Our Lyrics App!

Milad ke hone ne takhleeq ka dar khola Milad ke hone ne har cheez mein ras ghola

Milad ke hone ne hone ka yaqeen bakhsha Milad ke hone ne gumrah ko deen bakhsha

Milad ne bakhshi hai insaan ko zebai Milad ne bakhshi hai har aankh ko beenai Ma'bood akela tha aabid na ibaadat thi

Masjood akela tha sajda na ita'at thi Milad ne jeevan ka mela yeh sajaya hai

Takhleeq-e-Muhammad ﷺ ne duniya ko basaya hai Yeh dhoop usi ki hai saya bhi usi ke hain

Galiyan bhi usi ki hain, raste bhi usi ke hain Tare bhi usi ke hain pur-rang dhanak uski

Har samt hai fitrat ke lehje mein khanak uski Kaliyon ne chatak kar yeh Milad manaya hai

Taron ne chamak kar yeh Milad manaya hai Jibraeel ؑ ne jhandon se Milad manaya hai

Tareekh ne sadiyon se Milad manaya hai Milad manaya hai lamhaat ne ruk ruk ke

Milad manaya hai khud Kaabe ne jhuk jhuk ke Milad manane ko hooron ki qatar aayi

Seerat ko manane ki surat bhi kahan hoti Milad na hota to seerat bhi kahan hoti

Milad ki dhoomein to khud Rab ne machai hai Milad se larzan ho? Jalna hai to jal jao

Us noor se Maula ne dharti ko banaya hai Gar noor ke munkir ho dharti se nikal jao