Jis Taraf Chasham Muhammad

Jis taraf chashm-e-Muhammad ke ishare ho gaye Jitne zarre samne aaye sitare ho gaye

Jab kabhi ishq-e-Muhammad ki inayat ho gayi Mere aansu Kausar-o-Zam Zam ke dhare ho gaye

Mauja-e-toofan mein jab naam-e-Muhammad le liya Doobti kashti ke tinke hi sahare ho gaye

Free Up Space - Get Lyrics Without Bulky Screenshots!

Ya Muhammad aap ki nazron ka yeh ijaz hai Jis taraf nazrein uthayein woh sab tumhare ho gaye

Main hoon aur yaad-e-Madinah aur hain tanhaiyan Apne begane sabhi mujh se kinare ho gaye

Apni kamli ka zara saya inayat ho mujhe Dil ke dushman Ya Muhammad se pyare ho gaye