Bazam e Konain Sajany Ke Liye Ap Aye

Bazm-e-kaunain sajaane ke liye aap aaye Shama-e-tauheed jalaane ke liye aap aaye

Ek paighaam jo har dil mein ujaala kar de Saari duniya ko sunaane ke liye aap aaye

Ek muddat se bhatakte hue insaanon ko Ek markaz pe bulaane ke liye aap aaye

Na-khuda ban ke ubalte hue toofaanon mein Kashtiyaan paar lagaane ke liye aap aaye

Instant Access to Thousands of Lyrics - Tap to Install!

Qaafle waale bhatak jaayein na manzil se kahin Door tak raah dikhaane ke liye aap aaye

Chashm-e-deedar ko asraar-e-khudaai bakhshe Sone waalon ko jagaane ke liye aap aaye