We've added ads to help keep the platform running and improving for you. Learn More
بزم کونین سجانے کے لۓ آپ آۓ شمعِ توحید جلانے کے لۓ آپ آۓ
ایک پیغام جو ہر دل میں اجالا کر دے ساری دنیا کو سنانے کے لۓ آپ آۓ
ایک مدت سے بھٹکتے ہوۓ انسانوں کو ایک مرکز پہ بلانے کے لۓ آپ آۓ
نا خدا بن کے اُبلتے ہوۓ طوفانوں میں کشتیاں پار لگانے کے لۓ آپ آۓ
قافلے والے بھٹک جائیں نہ منزل سے کہیں دور تک راہ دکھانے کے لۓ آپ آۓ
چشم دیدار کو اسرار خدائی بخشے سونے والوں کو جگانے کے لۓ آپ آۓ
