Hai Surat Al Shams Agar Rue Muhammad

Hai Surah-tush-Shams agar rukh-e-Muhammad ﷺ Wallail ki tafseer hui moo-e-Muhammad ﷺ

Jab rukh-e-Muhammad ﷺ ki nazar aayi tajalli Samjha main Shab-e-Qadr hai gesoo-e-Muhammad ﷺ

Maah-e-nau-e-Shawwal se aashiq ko kahan Eid Jab tak nazar aa jaye na abroo-e-Muhammad ﷺ

Kis waza uthaaye hue hain baar-e-do aalam Zahir mein toh nazuk se hain baazoo-e-Muhammad ﷺ

Find Your Favorite Lyrics Anytime, Anywhere - Install the App Today!

Tha besh-baha ishq ke bazaar mein Yusuf Par ho na saka sang-e-tarazoo-e-Muhammad ﷺ

Kaabe ki taraf munh ho namazon mein hamara Kaabe ka shab-o-roz hai munh soo-e-Muhammad ﷺ

Har nakhl-e-bayaban-e-Arab mujh ko hai Tooba Hoon shefta-e-qamat-e-diljoo-e-Muhammad ﷺ

Rizwan ke liye le chalo soghat Shaheediؔ Gar haath lage khaar-o-khas koo-e-Muhammad ﷺ