Hai Surat Al Shams Agar Rue Muhammad

ہے سورۃ الشمس اگر روۓ محمدؐ واللیل کی تفسیر ہوئی موۓ محمدؐ

جب روۓ محمدؐ کی نظر آئی تجلی سمجھا میں شب قدر ہے گیسوۓ محمدؐ

ماہِ نو شوال سے عاشق کو کہاں عید جب تک نظر آجاۓ نہ ابروۓ محمدؐ

کس وضع اٹھاۓ ہوۓ ہیں بارِ دو عالم ظاہر میں تو نازک سے ہیں بازوۓ محمدؐ

تھا بیش بہا عشق کے بازار میں یوسف پر ہو نہ سکا سنگ ترازوۓ محمدؐ

کعبے کی طرف منہ ہو نمازوں میں ہمارا کعبے کا شب و روز ہے منہ سوۓ محمدؐ

ہر نخل بیابانِ عرب مجھ کو ہے طوبیٰ ہوں شیفتہء قامت دلجوۓ محمدؐ

رضواں کے لیے لے چلو سوغات شہیدیؔ گر ہاتھ لگے خار و خس کوۓ محمدؐ