Hai Roshni Hi Roshni Seerat Huzoor Ki

Hai roshni hi roshni seerat Huzoor ﷺ ki Quran ki sab aayatein mad-hat Huzoor ﷺ ki

Duniya mein kaun us se bada khush naseeb hai Hisse mein jis ke aagayi ulfat Huzoorﷺ ki

Aql-e-bashar se mawara hai zaat-e-Mustafa ﷺ Allah jaanta hai haqeeqat Huzoor ﷺ ki

Sab anbiya ki ummatein hain mo'tabar magar Sab ummatein se behtareen ummat Huzoorﷺ ki

Duniya mein yun to aur bhi aizaaz hain bade Sab se bada aizaaz hai nisbat Huzoorﷺ ki

Instant Access to Thousands of Lyrics - Tap to Install!

Jo bhi parhe durood woh suntay hain Mustafa ﷺ Kya mo'jiza numa hai sama'at Huzoor ﷺ ki

Ghera ghamon ki dhoop ne to mo'jiza hua Ek abr ban ke chha gayi rehmat Huzoorﷺ ki

Main kaise maan loon ke woh imandaar hai Rakhta nahin jo dil mein aqeedat Huzoorﷺ ki

Sahirؔ ko bheed dijiye likhi hai jis ne naat Mashhoor hai jahan mein sahaawat Huzoor ﷺ ki