Haal e Dil kis Ko Sunaye

Haal-e-dil kis ko sunayein aap ﷺ ke hote hue Kyun kisi ke dar pe jaayein aap ﷺ ke hote hue

No Internet? No Problem! Get the App for Offline Lyrics!

Main ghulam-e-Mustafa hoon yeh meri pehchan hai Gham mujhe kyun kar satayein aap ﷺ ke hote hue Haal-e-dil kis ko sunayein aap ﷺ ke hote hue

Apna jeena apna marna ab isi chaukhat pe hai Hum kahan sarkar jaayein aap ﷺ ke hote hue Haal-e-dil kis ko sunayein aap ﷺ ke hote hue

Keh raha hai aap ﷺ ka Rab anta feehum aap ﷺ se Kyun unhein main doon sazayein aap ﷺ ke hote hue Haal-e-dil kis ko sunayein aap ﷺ ke hote hue

Samne hai ae Ali ke laal uswa aap ka Kyun kisi ka khauf khayein aap ke hote hue Haal-e-dil kis ko sunayein aap ﷺ ke hote hue

Yeh toh ho sakta nahin yeh baat mumkin hi nahin Mere ghar aalaam aayein aap ﷺ ke hote hue Haal-e-dil kis ko sunayein aap ﷺ ke hote hue

Kaun hai Altaf apna haal-e-dil jis se kahe Zakhm-e-dil kis ko dikhayein aap ﷺ ke hote hue Haal-e-dil kis ko sunayein aap ﷺ ke hote hue