Bane Hain Midhat e Sultan e Do Jahan

Bane hain midhat-e-Sultan-e-dojahan ﷺ ke liye Sukhan zabaan ke liye aur zabaan wahan ke liye

Woh Shah jis ka adu jeete ji jahannam mein Adawat us ki azab-e-aleem jaan ke liye

Woh Shah jis ka muhib amn-o-aafiyat mein mudam Mohabbat us ki hisar-e-haseen amaan ke liye

Woh chand jis se hui zulmat-e-jahan madoom Raha na tafriqa-e-roz-o-shab zaman ke liye

Hilal-e-Makkah ka mah-e-do-hafta Yasrib ka Farogh-e-qaum ke aur shama-e-doodmaan ke liye

Your Lyrics, Even Offline - Install the App for Free!

Ghar us ka maurid-e-Quran-o-muheet-e-Jibreel Dar us ka Ka'ba-e-maqsood-o-ins-o-jaan ke liye

Sipehr garm-e-tawaf us ki bargah ke gird Zameen sar-ba-sujood us ke aastan ke liye

Woh lahza lahza tafaqqud woh dam-ba-dam altaf Raza-e-khatir-e-yaran-e-jaan fishan ke liye

Woh goona goona madara woh baat baat mein mehr Kushayish-e-girah-e-keen dushmanan ke liye