Bane Hain Midhat e Sultan e Do Jahan

بنے ہیں مدحتِ سلطانِ دوجہاںؐ کے لیے سخن زباں کے لیے اور زباں وہاں کے لیے

وہ شاہ جس کا عدو جیتے جہ جہنم میں عداوت اس کی عذاب الیم جاں کے لیے

وہ شاہ جس کا محب امن و عافیت میں مدام محبت اس کی حصار حصیں اماں کے لیے

وہ چاند جس سے ہوئی ظلمتِ جہاں معدوم رہا نہ تفرقۃ روز و شب زماں کے لیے

ہلال مکہ کا ماہ دو ہفتہ یثرب کا فروغ قوم کے اور شمع دودماں کے لیے

گھر اس مورد قرآن و مہیط جبریل در اس کا کعبۃ مقصود و انس و جاں کے لیے

سپہر گرم طواف اس کی بارگاہ کے گرد زمین سر بسجود اس کے آستاں کے لیے

وہ لحظہ لحظہ تفقد وہ دم بہ دم الطاف رضاۓ خاطر یارانِ جاں فشاں کے لیے

وہ گونہ گونہ مدارا وہ بات بات میں مہر کشائشِ گرہ کین دشمناں کے لیے