Ghulamou'n Salamou'n ke Naghme

غلاموں سلاموں کے نغمےسناؤ کہ دنیامیں خیر الوریٰ آ گۓ ہیں مبارک تمہیں عاصیو غم کے مارو محمد حبیب خدا آگۓ ہیں

Download Lyrics & Access Offline - Install Our App Now!

کھلے پھول غنچے سجی ڈالی ڈالی ہیں تشریف لاۓ دوعالم کے والی چمن در چمن ہو رہی ہے منادی شہنشاہ ارض و سما آگۓ ہیں

خدا جس پہ نازاں خدائی بھی قرباں مہک جس کی پھیلی گلستاں گلستاں یہ کتنا کرم ہے ترے گھر حلیمہ وہ پیارے نبی مصطفیٰ آ گۓ ہیں

امیرو فقیرو ارے بے نواؤ دوعالم کے داتا کی محفل سجاؤ تم اپنے مقدر پہ جھومو گداؤ دوعالم کے حاجت روا آ گۓ ہیں

اری مشکلو! مشکلوں میں نہ گھیرو نہ تنہا سمجھ کر مجھے آج چھیڑو نکل جاؤ منہ کو چھپا کر یہاں سے کہ میرے بھی مشکل کشا آ گۓ ہیں

یہ کون آیا اوڑھے کرم کا دوشالہ میرا کملی والا میرا کملی والا اسی بات نے عاصیوں کو سنبھالا کہ شافع روزِ جزا آ گۓ ہیں

پڑھے جا نبی کی تو نعتیں نیازی نبی تجھ پہ راضی خدا تجھ پہ راضی ترا خالی دامن بھرا ہی رہے گا کہ منبع جود و سخا آ گۓ ہیں