Dolat e Khushk o Tar Dekhte Reh Gaye

Daulat-e-khushk-o-tar dekhte reh gaye Hum tere baam-o-dar dekhte reh gaye

Un ke lab se jhare maarifat ke woh phool Arab ke sukhanwar dekhte reh gaye

Tere mukhre ke zaair Khuda ki qasam Apne Rab ka hunar dekhte reh gaye

Offline Lyrics Anytime, Anywhere - Download the App Today!

Deen-o-duniya ki jin ko qayadat mili Ve tera rehguzar dekhte reh gaye

Saare tajir zamane mein zulmaat ke Ho gayi jo sahar dekhte reh gaye

Tujh ko Haq se mili woh ajab roshni Najm shams-o-qamar dekhte reh gaye

Tere na'lain kitne hue mohtaram saare jinn-o-bashar dekhte reh gaye

Noor par jo hua Mustafa ﷺ ka karam saare ahl-e-nazar dekhte reh gaye