We've added ads to help keep the platform running and improving for you.

Aya Hai Bulawa Phir Ik BaarNot Verified

Muhammad Ilyas Atar Qadri

آیا ہے بُلاوا پِھر اِک بار مدینے کا پھر جاکے میں دیکھوں گا دربار مدینے کا


گلشن سے حَسیں تر ہے کُہسار مدینے کا بے مثل جہاں میں ہے گلزار مدینے کا


میں پُھول کو چُومونگااور دُھول کو چُومونگا جس وقت کروں گا میں دیدار مدینے کا



Offline Lyrics Anytime, Anywhere - Download the App Today!

Get it on Google Play


آنکھوں سے لگالوں گا اور دل میں بَسالوں گا سینے میں اُتاروں گا میں خار مدینے کا


سینے میں مدینہ ہو اور دل میں مدینہ ہو آنکھوں میں بھی ہو نقشہ سرکار! مدینے کا


لاتی ہے سرِ بالیں رحمت کی ادا اُن کو جس وقت تڑپتا ہے بیمار مدینے کا


روتے ہیں جو دیوانے بے تاب ہیں مستانے ان سب کو دکھا دیجے دربار مدینے کا


روتا ہے جو راتوں کو اُمّت کی مَحبَّت میں وہ شافِعِ محشر ہے سردار مدینے کا


راتوں کو جو روتا ہے اور خاک پہ سوتا ہے غم خوار ہے، سادہ ہے مختار مدینے کا


قبضے میں دو عالَم ہیں پَر ہاتھ کا تکیہ ہے سوتا ہے چٹائی پر سَردار مدینے کا


دُکھ دَرد جہاں بھر کے سب دُور شہا کرکے مجھ کو تو بنا لیجے بیمار مدینے کا


اِس در کے بھکاری کی جھولی میں دو عالَم ہیں شاہوں سے بھی بڑھ کر ہے نادار مدینے کا


مقبول جہاں بھر میں ہو’’دعوتِ اسلامی ‘‘ صدقہ تجھے اے ربِّ غفّار! مدینے کا


تقدیر چمک اٹّھے قسمت ہی تو کُھل جائے بن جائے جو ادنیٰ سگ ،عطارؔ مدینے کا

Download Lyrics & Access Offline - Install Our App Now!

Get it on Google Play

midhah-logo-grey© 2026 Midhah