Ajab Suroor Sada Uska

عجب سرورِ صدا اُس کا دھیان دیتا ہے بلال کعبے میں گویا اذان دیتا ہے

جلائے دھوپ مجھے جب مِرے گناہوں کی درود ابر کی چادر سی تان دیتا ہے

مِری طلب ہےاُسی کے کرم سے وابستہ جو ایک وقت میں دونوں جہان دیتا ہے

زہے نصیب میسر ہے اُس کا پیار مجھے جو دشمنوں کو بھی اپنے امان دیتا ہے

No Internet? No Problem! Get the App for Offline Lyrics!

نشانِ پا بھی ہیں اُس کے ، عروج کا زینہ زمیں نشین کو وہ آسمان دیتا ہے

کرے شکار جو دِل کو بغیر تیروں کے اسی کے ہاتھ میں اپنی کمان دیتا ہے

جو اپنے پیٹ سے فاقوں میں باندھ کر پتھر ضعیف کو بھی ارادے جوان دیتا ہے

کروں جو یاد اُسے سب کثافتیں مٹ جائیں خیال اُس کا عقیدے کو چھان دیتا ہے

مِرے کلام کو شہرت بھی دے رہا ہے وہی جو پتھروں کو مظفر زبان دیتا ہے