Aesi Roshni Dekhi

ایسی روشنی دیکھی، ایسا راستہ پایا عمر کے خزانوں سے جو نہ پا سکا پایا



ہم نے اُن کے دریا پر یہ نظارہ دیکھا ہے پار بھی وہی اترا جس کو ڈوبتا پایا



جب تلاش میں ان کی کوئے ذات سے نکلے کائنات کو ہم نے راہ میں پڑا پایا




Get it on Google Play



رفعتوں کے میلے میں لے گئی نظر مجھ کو اُن کے پاؤں پر رکھ کرٗ سر نہ میں اٹھا پایا



میرے آنسوؤں کی بھی آپ نے صدا سن لی ہاتھ بھی نہ پھیلائے اور مدعا پایا



جس خدا نے بخشا ہے مصطفؐےٰ سا پیغمبر مصطفؐےٰ کے صدقے میں ہم نے وہ خدا پایا



منفرد ہے ذات انکی معجزہ حیات انکی چاند ٹوٹتے دیکھا ، سنگ بولتا پایا



سب حضورؐ عالی کا ہے کرم مظفر پر حبس میں چلے جھونکے دھوپ کو گھٹا پایا

Get it on Google Play

midhah-logo-grey© 2025 Midhah