Sultan e Salateen Hussain

Sultan-e-salateen Hussain ibne Ali hai Woh sher-e-jali sher-e-jali sher-e-jali hai

Find Your Favorite Lyrics Anytime, Anywhere - Install the App Today!

Islam ke gulshan ki taraf dekhne wali Jo aayi bala sadqa-e-Shabbir tali hai

Aaqa ﷺ ke nawason ko lahu pee ke jahan mein Aisi bhi kahin aur kabhi shaam dhali hai

Murshid hai Hussain ibne Ali jaisa hamara Naara jo hamara hai toh naara Ali hai

Us taraf Madinah hai toh is samt hai Karbal Jannat hai Madinah toh yeh jannat ki gali hai

Abbas ho Qasim ho ke hon Akbar-o-Asghar Hai sher-e-wali ibne wali ibne wali hai

Us ghar ki ataaon pe karen naaz na kaise Khwaja hai koi aur koi Ghous-e-jali hai

Nasir yeh gham-e-Aal-e-Muhammad ﷺ ka karam hai Aankhon se sitaron ki jo baarat chali hai