Koi Samajh Nahi Sakta Hussain Ka Rutba

Koi samajh nahi sakta Hussain ؑ ka rutba Hai ambiya se bhi aala Hussain ؑ ka rutba

Ali ؑ ne beti se ki hogi aake sargoshi Kaha hai bhai ko tere Yazeed ne baghi Bata de Sani-e-Zehra ؑ Hussain ؑ ka rutba

Hussain ؑ chahein toh hota hai murda khud zinda Bahut se log nahi maante yeh baat zara Habib ؑ uth ke batana Hussain ؑ ka rutba

Namazi haanp rahe thay ajeeb halat thi Taweel sajday se sar ko utha ke bole Nabi ﷺ Samajh toh aa gaya ho ga Hussain ؑ ka rutba

Thay ikhtiyar Muhammad ﷺ mein loh-o-qalam Pisar naseeb mein rahib ke khud kiye na raqam Samajh le taake zamana Hussain ؑ ka rutba

Instant Access to Thousands of Lyrics - Tap to Install!

Hai lafziyat ki yeh kaisi kaisi majboori Tamaam aayatein tehreer ho gayin phir bhi Abhi bhi baaqi hai likhna Hussain ؑ ka rutba

Har ek surah ka main tarjuma batata gaya Usay main hamd se Wannas tak sunata gaya Kisi ne pooch liya tha Hussain ؑ ka rutba

Kaha yeh Rab ne yaqeen mein badal na jaaye gumaan Khuda na lagne lage yeh tumhein aye ahl-e-jahan Sambhal sambhal ke samajhna Hussain ؑ ka rutba

Kisi ne imla likhaya hai toh ne likha hai Tere qalam pe Takallum ؔ ataa-e-Zehra ؑ hai Wagarna kaun likhe ga Hussain ؑ ka rutba