Koi Samajh Nahi Sakta Hussain Ka Rutba

کوئی سمجھ نہیں سکتا حسینؑ کا رتبہ ہے انبیاء سے بھی اعلیٰ حسینؑ کا رتبہ

علیؑ نے بیٹی سے کی ہوگی آکے سرگوشی کہا ہے بھائی کو تیرے یزید نے باغی بتا دے ثانیء زہراؑ حسینؑ کا رتبہ

حسینؑ چاہیں تو ہوتا ہے مردہ خود زندہ بہت سے لوگ نہیں مانتے یہ بات ذرا حبیبؑ اُٹھ کے بتانا حسینؑ کا رتبہ

نمازی ہانپ رہے تھے عجیب حالت تھی طویل سجدے سے در کو اٹھا کے بولے نبیؐ سمجھ تو آگیا ہو گا حسینؑ کا رتبہ

تھے اختیار محمدؐ میں لوح و قلم پسر نصیب میں راہب کے خود کیے نہ رقم سمجھ لے تاکہ زمانہ حسینؑ کا رتبہ

ہے لفظیات کی یہ کیسی کیسی مجبوری تمام آیتیں تحریر ہو گئیں پھر بھی ابھی بھی باقی ہے لکھنا حسینؑ کا رتبہ

ہر ایک سورے کا میں ترجمہ بتاتا گیا اسے میں حمد سے والناس تک سناتا گیا کسی نے پوچھ لیا تھا حسینؑ کا رتبہ

Stop Wasting Storage - Download Lyrics in Lightweight Text Format!

کہا یہ رب نے یقیں میں بدل نہ جاۓ گماں خدا نہ لگنے لگے یہ تمہیں اے اہلِ جہاں سنبھل سنبھل کے سمجھنا حسینؑ کا رتبہ

کسی نے اِملا لکھایا ہے تو نے لکھا ہے تیرے قلم پہ تکلمؔ عطاۓ زہراؑ ہے وگرنہ کون لکھے گا حسینؑ کا رتبہ