Pathar Hatta Ke Lash Se

پتھر ہٹا کے لاش سے زینبؑ نے دی صدا کیسے پڑے ہیں جسم کے ٹکڑے جُدا جُدا

ہاۓ ہاۓ میرے غریب کا کیا حال کردیا گھوڑوں سے لاشہ دشت میں پامال کر دیا پہچانوں کس طرح سے بدن سے ہے سر جُدا

پہچاننا تمہارے لیے بھی کٹھن ہوا دیکھا ہے پہلی بار جو زینبؑ کو بے رِدا آتی ہے زرم جلد بتا دو مجھے زرا

کیا لے گۓ ہیں لوٹ کے سب کچھ اشقیاء تن پر بچا ہے ماں کا یہ کُرتہ سِلا ہوا نکلے تھے جب خیام سے یہ حال تو نہ تھا

دیکھوں بندھی ہیں ہاتھوں میں میرے بھی رسیاں اب اور لو بہن کی نہ غربت کا امتحاں کچھ تو جواب دو مجھے صغریٰ کا واسطہ

Get Lyrics On-The-Go! Download Our App Now!

پہچان لوں گی میں تمہیں آواز مجھ کو دو دم توڑتے جو دیکھا ہے کڑیل کوان کو آنکھوں میں اب بہن کی اُجالا نہیں رہا

کرتا رہا ہے ذبح کی کوشش کہاں کہاں خنجر کے ہیں کٹی ہوئی گردن پہ بھی نشاں کاٹا ہے کس طرح سے ستمگار نے گلا

آہستہ سے جواب دو ہے ساتھ اُس کی ماں کیا اب تمہارے پاس ہے معصوم بے زباں ننھا سا لاشہ کس کا یہ سینے پے ہے رکھا

وہ بھی تمہاری طرح سے زخمی نہ ہو کہیں دِل کو میرے یہ لگتا ہے موجود ہے یہیں آتی ہے ماں کے رونے کی نزدیک سے صدا

زینب پکاری میر تکلمؔ بصد ملال کیا مرتےوقت بھی میرےپردےکاتھاخیال ہے مٹھیوں میں کِس لیے یہ خاکِ کربلا