Ali Tehreer e Noori Hai

Ali ؑ tehrer-e-noori hai Ali mazkoor-e-Maula hai Ali naaz-e-wilayat hai Ali dastoor-e-Maula hai

Khuda ke waste soya Nabi-e-Akram ke bistar par Ajal ka khauf na aaya Ali Taimoor-e-Maula hai

Dikhaya Mustafa ne jo Ghadir-e-Khum pe shaukat se Ali meh-roo do aalam ka Ali meh-noor-e-Maula hai

Ali Quran ki zeenat Ali hai jaan-e-rehmat bhi Sada Quran ke harfon mein Ali mastoor-e-Maula hai

Download Lyrics & Access Offline - Install Our App Now!

Jahan khatra hua Islam ki angoori daali ko Wahan par jaan dene ko Ali naatoor-e-Maula hai

Jahan mushkil koi keh de ke la haqq us ko mushkil hai Wahan mushkil kushai ke liye mamoor-e-Maula hai

Lisan-ullah, hai wajh-ullah, woh ain-ullah hadeeson mein Toh main keh doon haqeeqat mein Ali maufoor-e-Maula hai

Ali ne khud bataya hai yehi "Nahj-ul-Balagha" mein Saheefon mein raqam hai toh Ali mashkoor-e-Maula hai

Hadees-e-Mustafa se yeh hua mujh par ayan Qaim Ke ik taare ke maskan se Ali maksoor-e-Maula hai