Ali Tehreer e Noori Hai

علیؑ تحریرِ نوری ہے علی مذکورِ مولیٰ ہے علی نازِ ولایت ہے علی دستورِ مولیٰ ہے

خدا کے واسطے سویا نبی اکرم کے بستر پر اجل کا خوف نہ آیا علی تیمورِ مولیٰ ہے

دکھایا مصطفٰی نے جو غدیرِ خم پہ شوکت سے علی مہ رو دو عالم کا علی مہ نورِ مولٰی ہے

علی قرآن کی زینت علی ہے جانِ رحمت بھی سدا قرآں کے حرفوں میں علی مسطورِ مولٰی ہے

جہاں خطرہ ہوا اسلام کی انگوری ڈالی کو وہاں پر جان دینے کو علی ناطورِ مولٰی ہے

جہاں مشکل کوئی کہہ دے کہ لا حق اُس کو مشکل ہے وہاں مشکل کشائی کے لئے ما مورِ مولٰی ہے

لسان اللہ، ہے وجہہ اللہ، وہ عین اللہ حدیثوں میں تو میں کہہ دوں حقیقت میں علی موفورِ مولٰی ہے

علی نے خود بتایا ہے یہی "نہج البلاغہ" میں صحیفوں میں رقم ہے تو علی مشکورِ مولٰی ہے

حدیثِ مصطفیٰ سے یہ ہوا مجھ پر عیاں قائم کہ اک تارے کے مسکن سے علی مکسورِ مولٰی ہے