Maabood Hai Tu Zaat Teri

Ma'bood hai tu zaat teri lam-yazali hai Aabid tera har ek Nabi aur Wali hai

Tu Qadir-e-Mutlaq hai teri shaan-e-jali hai Har cheez tere hukm ke sanche mein dhali hai

Tu Khaliq-e-Konain hai har cheez teri hai Jo cheez mili jis ko mili tujh se mili hai

Be-hukm tere patta koi hil nahi sakta Jab hukm hua tera to har shakh hili hai

Instant Access to Thousands of Lyrics - Tap to Install!

Yeh dawat-e-nazzara-e-Jawak hai shayad Mehboob ki har ek gali teri gali hai

Ae Dawar-e-Mahshar mera Sattar bhi tu hai Ab fard-e-amal meri tere aage khuli hai

Kuch aur koi khwahish-e-dunya nahi Maula Ho khatma-bil-khair tamannaye dili hai

Tu Katib-e-Taqdeer hai Khushtar ise kar de Likkhi jo muqaddar mein buri hai ke bhali hai