Maabood Hai Tu Zaat Teri

معبود ہے تو ذات تیری لم یزالی ہے عابد تیرا ہر ایک نبی اور ولی ہے

تو قادرِ مطلق ہے تری شان جلی ہے ہر چیز تیرے حکم کے سانچے میں ڈھلی ہے

تو خالقِ کونین ہے ہر چیز تیری ہے جو چیز ملی جس کو ملی تجھ سے ملی ہے

بے حکم تیرے پتّہ کوئی ہِل نہیں سکتا جب حکم ہوا تیرا تو ہر شاخ ہلی ہے

یہ دعوتِ نظّارہِ جاوک ہے شاید محبوب کی ہر ایک گلی تیری گلی ہے

اے داورِ محشر میرا ستّار بھی تو ہے اب فردِ عمل میری تیرے آگے کھلی ہے

کچھ اور کوئی خواہشِ دنیا نہیں مولیٰ ہو خاتمہ بالخیر تمنائے دِلی ہے

تو کاتبِ تقدیر ہے خوشتر اسے کر دے لکّھی جو مقدر میں بُری ہے کہ بھلی ہے