Allah Allah Kiya Kar

اللہ اللہ کیا کر اللہ کے آگے جُھکنے والوں کے ساتھ جُھکا کر اللہ اللہ کیا کر

جُھکنے والی پیشانی کو بلند کرتا ہے وہ جو اُس سے ڈرتا ہے اُس کو پسند کرتا ہے وہ وہ تجھ کو خوشیاں دے گا تُو اُس کو خوش رکھّا کر اللہ اللہ کِیا کر

یاد کِیا کر اُس کو وہ بھی تُجھ کو یاد کرے گا تیرے اندر کی ویرانی کو آباد کرے گا دیکھ رہا ہے جو تُجھ کو تُو بھی اُس کو دیکھا کر اللہ اللہ کِیا کر

Never Be Without Your Favorite Lyrics - Get the App for Offline Access!

آتے جاتے موسم سے پیغام لیا کر اُس کا جس نے تجھ کو گویائی دی نام لِیا کر اُس کا شہ رگ سے بھی پاس ہے جو اُس سے مت دُور رہا کر اللہ اللہ کِیا کر

تو بہ کر نا ، شُکر بجا لانا منصب ہے تیرا تُو اُس کا بندہ ہے وہ خالق ہے رب ہے تیرا ماں سے باپ سے بڑھ کر چاہنے والے کو چاہا کر اللہ اللہ کِیا کر

ہر طالب کو اُس کی طلب سے سوا دیا کرتا ہے ذرّہ مانگو تو وہ ارض و سما دیا کرتا ہے لُوٹنی ہے رحمت اُس کی تو راتوں کو جاگا کر اللہ اللہ کیا کر

بند آنکھوں سے بھی تُو اُس کی طرح اگر آئے گا دھیان کے پردے پر وہ تُجھ کو صاف نظر آئے گا اُس کو پانا چاہتا ہے تو خود اپنا پیچھا کر اللہ اللہ کیا کر