Aye Saba Mustafa Ja Kehna

Ae saba Mustafa se ja kehna gham ke maare salaam kehte hain Sabz gumbad ki un bahaaron ko dil hamaare salaam kehte hain

Aap ki fikr se charaaghan hai aap ka pyaar gham ka darmaan hai Khaar zaaron par aap ka hai karam, phool saare salaam kehte hain

Sabz gumbad ka aankh mein manzar aur tasawwur mein aap ka minbar Saamne jaaliyan hain roze ki dil hamaare salaam kehte hain

Zikr tha aakhri mahine ka tazkirah chhid gaya Madine ka Haajiyo Mustafa se keh dena be-sahaare salaam kehte hain

Allah Allah huzoor ﷺ ke gaisu bheeni bheeni mehakti woh khushboo Jin se ma'moor hai fiza har su woh nazaare salaam kehte hain

Zaa'ir-e-Taibah tu Madine mein pyaare Aaqa se itna keh dena Aap ki gard-e-raah ko Aaqa dil hamaare salaam kehte hain

Ae Khuda ke habeeb pyaare Rasool yeh hamaara salaam kijiye qabool Aaj mehfil mein jitne haazir hain mil ke saare salaam kehte hain

Free Up Space - Get Lyrics Without Bulky Screenshots!

Gham ke baadal tamaam chhatne lage parde aankhon se saare hatne lage Jo talaatum bane hue the Suhail woh kinaare salaam kehte hain