Aye Saba Mustafa Ja Kehna

اے صبا مصطفیٰ سے جا کہنا غم کے مارے سلام کہتے ہیں سبز گنبد کی ان بہاروں کو دل ہمارےسلام کہتے ہیں

آپ کی فکر سے چراغاں ہے آپ کا پیار غم کا درماں ہے خار زاروں پر آپ کا ہے کرم، پھول سارےسلام کہتے ہیں

سبز گنبد کا آنکھ میں منظر اور تصور میں آپ کا منبر سامنے جالیاں ہیں روضے کی دل ہمارے سلام کہتے ہیں

ذکر تھا آخری مہینے کا تذکرہ چھڑ گیا مدینے کا حاجیو مصطفیٰ سے کہہ دینا بے سہارے سلام کہتے ہیں

اللہ اللہ حضورؐ کے گیسو بھینی بھینی مہکتی وہ خوشبو جن سے معمور ہے فضا ہر سو وہ نظارے سلام کہتے ہیں

زائر طیبہ تو مدینے میں پیارے آقا سے اتنا کہہ دینا آپ کی گردِ راہ کو آقا دل ہمارے سلام کہتے ہیں

Get Lyrics On-The-Go! Download Our App Now!

اے خدا کے حبیب پیارے رسول یہ ہمارا سلام کیجئے قبول آج محفل میں جتنے حاضر ہیں مل کے سارے سلام کہتے ہیں

غم کے بادل تمام چھٹنے لگے پردے آنکھوں سے سارے ہٹنے لگے جو تلاطم بنے ہوئے تھے سہیؔل وہ کنارے سلام کہتے ہیں