Ithan Main Muthri Nit Jaan Ba Lab

ایتھاں میں مٹھڑی نت جان بہ لب اوتاں خوش وسدا ملک عرب

ہر ویلے یار دی تانگھ لگی سُنجے سینے سِک دی سانگ لگی ڈکھی دِلڑی دے ہتھ ٹانگھ لگی تھئے مل مل سول سمولے سب

توڑے دھکڑے دھوڑے کھاندڑی ہاں تینڈے نام توں مفت وکاندڑی ہاں تینڈی باندیاں دی میں باندی ہاں ہم در دیاں کتیاں نال ادب

جیں ڈینہ دا نینہ دے شینہ پُٹھیا لگی نیش ڈکھاں دی عیش گھٹیا سر جوبن جوش خروش ہٹیا سُکھ سڑ گئے مر گئی طرح طرب

واہ سوہنیاں ڈھولن یار سجن واہ سانوں ہوت حجاز وطن آڈیکھ فریدؔ دا بیت حزن ہم روز ازل دی تانگھ طلب

Find Your Favorite Lyrics Anytime, Anywhere - Install the App Today!

تتی تھی جوگن چودھار پھراں ہند سندھ، پنجاب تے ماڑ پھراں سنجے شہر تے بانجھ بازار پھراں متاں یار ملم کئیں ساہنگ سبب