Zulf e Sarkar Se Jab Chehra Nikalta Hoga

Zulf-e-Sarkar se jab chehra nikalta hoga Phir bhala kaise koi chand ko takta hoga

Ae Halima tu hi bata tu ne to dekha hoga Kaise mera mehboob tujh se lipatta hoga

Raaz chanda ke haseen hone ka ab samjha Khaak-e-na'lain ko chehre pe jo malta hoga

Kitni khush-bakht hain Taiba ki woh galiyan yaaro Jin mein mera mehboob woh ban than ke tahalta hoga

Free Up Space - Get Lyrics Without Bulky Screenshots!

Qabil-e-rashk hai pyaare Siddique woh aansu tera Ghaar mein aap ke rukh par jo tapakta hoga

Mujh ko maloom hai Taiba ki judai ka asar Shaam ko Shams bhi rota hua dhalta hoga

Hakim is dil ko thes na pohanchegi kabhi bhi Yaad-e-mehboob mein har pal jo dhadakta hoga