Zindagi Ki Hararat Tera Naam Hai

Zindagi ki hararat tera naam hai Do jahano ki rehmat tera naam hai

Ism-e-Azam chhupa hai tere naam mein Hamd-e-Khaliq ki azmat tera naam hai

Kaif o raahat mayasar tere naam se Qalb-e-muztar ki raahat tera naam hai

Hadi do jahan Mahdi-e har zamaan Har tarah ki hidayat tera naam hai

Tujhko haq ne ata ki hain sab qudratein Laiq shaan-e-qudrat tera naam hai

Free Up Space - Get Lyrics Without Bulky Screenshots!

To Muhammad ﷺ hai Hamid hai Mahmood hai Hamd ki ma'nawat tera naam hai

Hont milte hain Sa'im tere naam se Qalb-o-jaan ki halawat tera naam hai